КÆРКÆ-МÆРКÆ УÆРЕ

Нарты кадджыты æндæр бæстаг хъæздыг лæг – æлдар. Уыд ын бур рæсугъд рихитæ, рувасдзармы хуызæн. Сосланы зæрдæ бахъазыд йæ рихитæм. Йæхицæн лæгты рихитæй кæрц хуыдта, æмæ йын æфцæгготæн рихи нал фаг кодта. Фæлæ Кæркæ-Мæркæ Уæре Сосланæй хъаруджындæр уыд, æмæ йæ амарынмæ йæ ныфс нæ хаста. Уæд Сатана Сосланæн загъта, дæхи йын ма базонын кæн, афтæмæй йæм æххуырсты бацу æмæ йын-иу Сосланæй раппæл, тынг хъаруджын у, зæгъгæ. Уый дæ фæрсдзæн Сосланы хъæзтытæй. Гъе уæд дæ зонд æмæ дæхæдæг.

Зондæй фæтых Сослан Кæркæ-Мæркæ Уæрейыл: денджызы йæ пыхсы бын йæ уæхсджытæй дæлæмæ ныссæлын кæны. Уæрейæн йæ къæхтæ зæхмæ не 'ххæссыдысты æмæ денджызы их уæлцъар сисын йæ бон не сси. Сослан бавдæлд æмæ йын йæ цирхъæй йæ сæрт ралыг кодта, стæй йын йæ рихитæ æрæстыгъта æмæ сæ йæ кæрцы æфцæгготмæ бафтауын кодта.

кæс «АРВЫ ДУАР»-Ы СÆРГÆНДТÆ